Ang Palitan ng Ortigas, na kilala rin bilang Palitang EDSA-Ortigas o Ortigas Flyover, ay isang kalahating palitang tambak na may tatlong antas na nakapuwesto sa pagitan ng Mandaluyong at Lungsod Quezon sa Kalakhang Maynila, Pilipinas. Nagsisilbi itong sangandaan sa pagitan ng Abenida Epifanio de los Santos (EDSA) at Abenida Ortigas. Orihinal na itinayo bilang regular na sangandaang may apat na daan, itinayo ang kasalukuyang palitan noong 1991 bilang pangunahing proyektong pang-imprastruktura ni Pangulong Corazon Aquino.